Qirg‘izistonda deputat O‘zbekistondagi aviachipta narxi ancha arzon ekanini aytdi 

Qirg‘izistonda deputat Omurbek Bakirov Jogorku Kenesh yig‘ilishida mahalliy reyslar uchun aviachiptalar aholi uchun juda qimmatligini aytdi. Bu haqda 24.kg xabar berdi.

Deputatning so‘zlariga ko‘ra, Bishkek—O‘sh yo‘nalishi uchun chipta 3 900 som (44,57 dollar) turadi.

“Masalan, O‘zbekistonda ichki reyslar uchun aviachiptalar 8-20 dollar turadi. Bu 1 ming 780 som. Toshkent — Abu-Dabi 22 dollar, Bishkek — Abu Dabi esa 49 dollardan, ya'ni 4 655 som. O‘shga qaraganda Abu-Dabiga uchish arzonroq, chiptalar narxida unchalik farq yo‘q”, — dedi Bakirov.

Shuningdek, u yo‘llarda tez-tez sodir bo‘layotgan baxtsiz hodisalar tufayli odamlar samolyotlardan foydalanishga harakat qilayotganini aytdi. Deputat sayyohlik mavsumida O‘sh, Jalolobod va Botkenga parvozlar narxini pasaytirishni taklif qildi.

“Bitta kompaniya monopoliya o‘rnatgani uchun chiptalar narxi qimmatroq. Lekin aholi uchun aviaqatnov iqtisodiy tomonlama qulay emas”, — dedi deputat.