“Buxorodagi har bir mahallada chiqindi yig‘ish shoxobchalari quriladi” — Shavkat Mirziyoyev

O‘zLiDePdan prezidentlikka nomzod Shavkat Mirziyoyev buxorolik saylovchilar bilan uchrashuvda ekologiyani asrash va maishiy chiqindilar bilan ishlash bo‘yicha Buxoro tajribasi yaratilishi aytdi.

“Kelgusi yetti yilda viloyatdagi 15 ta qattiq maishiy chiqindi poligoni yopilib, 6 tasi modernizasiya qilinadi. Viloyatga 200 ta zamonaviy chiqindi tashish texnikalari xarid qilinadi, har bir mahallada chiqindi yig‘ish shoxobchalari quriladi”, – dedi nomzod.

Shavkat Mirziyoyev cho‘l hududlardagi qum ko‘chishining oldini olish maqsadida, 20 million tup saksovul va boshqa buta ko‘chatlari ekilishini ta’kidladi.

“Umuman, Buxoro viloyatini birinchilar qatorida “ekologik toza, chiqindisiz hudud”ga aylantirish bo‘yicha katta harakatni boshlasak, o‘ylaymanki, buni butun viloyat ahli qo‘llab-quvvatlaydi”, – dedi nomzod.