“Titan” yo‘qolgan hududdan kema bo‘laklari topildi

AQSH Sohil qo‘riqlash xizmati yo‘qolgan “Titan” suvosti kemasini qidirish hududida qoldiqlar topilganini ma’lum qildi. Ammo bu qoldiqlar qaysi kemaga tegishli ekani hozircha noma’lum.

SkyNews’ning AQSH Sohil qo‘riqlash xizmatiga tayanib xabar berishicha, mutaxassislar hozirda masofadan boshqariladigan apparat yordamida olingan ma’lumotni o‘rganib chiqmoqda.

“Titan” suvosti kemasi 19-iyun kuni Atlantika okeanida 3,8 kilometr chuqurlikda “Titanik” halokatga uchragan hududda radarlardan g‘oyib bo‘ldi. Suvosti kemasi bortida besh kishi bo‘lgan.

Ma’lumotlarga ko‘ra, bugun 22-iyun kuni Shimoliy Amerika vaqti bo‘yicha 07:08 da (Toshkent vaqti bilan 16:08) batiskafda kislorod yetkazib berish tugagan.