Afg‘onistonda 19 yashar kelinchak o‘zini otib o‘ldirdi 

Afg‘onistonning Sarpul viloyatida turmush qurganiga bir oydan oshgan kelinchak o‘zini otib o‘ldirdi. Bu haqda “Daryo” muxbiri xabar berdi.

Viloyatdagi “Tolibon” politsiyasi to‘y marosimini kuyov ishtirokisiz nishonlagan qiz o‘z joniga qasd qilganini aytdi. Marhuma Sancharak tumani “Zanjon” qishlog‘ida yashagan. U 4-iyul kuni qurol bilan o‘ziga o‘q uzgan, biroq hodisa sababi ochiqlanmagan.

Ta’kidlanishicha, marhuma 19 yoshda bo‘lgan va qirq kun oldin turmush o‘rtog‘i ishtirokisiz o‘z to‘yini nishonlagan.

Afg‘onistonda ayollarga nisbatan qo‘llangan taqiqlar

Afg‘onistonlik ayollarning BMT idoralarida ishlashi, erkaklarga ayollar uchun kiyim tikish, ayollarning erkak shifokorlarga borishi, ayollarning shifoxonaga yolg‘iz borishi va ularning istirohat bog‘iga tashrif buyurishi taqiqlagan.

Shuningdek, Afg‘onistonda oilalar va ayollarning bog‘lari yoki yashil hududlari bo‘lgan restoranlarga kirishi va ayollar ovozi eshitilgan reklamalarni efirga uzatish taqiqlangan.