“Ajoyib spektakl”. Mariya Zaxarova Vilnyusdagi NATO sammiti haqida gapirdi

Rossiya Tashqi ishlar vazirligi matbuot kotibi Mariya Zaxarova NATOning Vilnyusda bo‘lib o‘tadigan sammiti haqida fikr bildirdi.

“Jamoatchilik va o‘z qo‘l ostidagilar ongini manipulyatsiya qilish bo‘yicha G‘arbning eng yomon an’analari asosida ajoyib spektakl namoyish etiladi”, — dedi Zaxarova Birinchi kanaldagi “Katta o‘yin” ko‘rsatuvida.

“Ommaviy eshelon mashg‘ulotlari olib borilmoqda, Finlyandiya hukumati vazirlari Ukrainani qo‘llab-quvvatlash uchun violonchelda solo tayyorlashmoqda”, — deya qo‘shimcha qildi u.

NATO sammiti 11–12-iyul kunlari Vilnyusda bo‘lib o‘tadi. NATO bosh kotibi Yens Stoltenberg sammit arafasidagi matbuot anjumani chog‘ida Vilnyusda bo‘lib o‘tadigan anjumanda Ukrainani NATOga yaqinlashtiradigan ko‘p yillik yordam paketi tasdiqlanishini aytib o‘tgandi.