Kim Chen Inning singlisi AQSHni KXDRga bostirib kirishi oqibatlari haqida ogohlantirdi

AQSH samolyotlarining KXDR havo hududini buzishga bo‘lgan navbatdagi urinishi ular uchun “juda xavfli parvoz”ga aylanishi mumkin, deya ogohlantirdi Shimoliy Koreya Mehnat partiyasi Markaziy qo‘mitasi rahbari o‘rinbosari va mamlakat rahbarining singlisi Kim Yo Chjon. 

“Men armiyamiz tegishli ko‘rsatmalarga muvofiq javob berishi haqida allaqachon ogohlantirganman. Agar AQSH qurolli kuchlari tomonidan qonunbuzarliklar takrorlansa, bu ular uchun juda xavfli parvozga aylanadi”, — dedi u.

Kim Yo Chjon 10-iyul dushanba kuni AQSH harbiy razvedka samolyoti Shimoliy Koreya iqtisodiy zonasi ustidagi havo hududini qayta-qayta buzganligi haqidagi da’vosini takrorladi.

Janubiy Koreyaning o‘z navbatida, bu faktni rad etgani uchun Kim Yo Chjon ularning pozitsiyasini keskin tanqid qildi.

Siyosatchi, shuningdek, aytilgan havo zonalari masalasi faqat Shimoliy Koreya xalq armiyasi va AQSH harbiylari o‘rtasidagi masala ekanligini eslatib o‘tdi.