Mashhur filmlardagi ikkinchi darajali rollarni rad etgan Bollivud yulduzlari (foto)
Bugunda millionlab tomoshabinlarga ega mashhurlikka erishgan filmlardagi qahramonlar o‘rnida boshqa aktyorlarni tasavvur qila olasizmi? Albatta, yo‘q. Lekin film suratga olinmasidan avval rejissorlar ularni tasavvur qila olgan. Garchi taniqli aktyorlar ikkinchi darajali rollarni rad etgan bo‘lsa-da, bu filmlar muvaffaqiyatiga ta’sir o‘tkazmadi.
Jaklin Fernandes — “Tashakkur, Angliya”
Jaklin Fernandes “Tashakkur, Angliya” filmidagi Pariniti Chopradan keyin ikkinchi darajadagi aktrisa bo‘lishdan bosh tortdi. Natijada bu rol Alankrita Saxayga nasib etdi.
Arman Koxli — “Devona”
Arman Koxli agar ushbu filmdagi rolni rad etmaganida, Shohrux Xon muvaffaqiyatga erishmagan bo‘lar edi. Aktyor “Devona” filmidagi ikkinchi darajali rolni ijro etishni istamadi va buning uchun Shohrux Xon erishgan shon-shuhratiga undan qarzdor. Chunki ushbu film unga mashhurlik keltirgan edi.
Farxan Axtar — “Oltin”
Aktyor Farxan Axtar “Oltin” filmidagi ikkinchi darajali rolni ijor etishni istamadi. Ushbu rol Akshay Kumarga nasib etdi.
Ritik Roshan — “Men borman-ku”
Ritik Roshan Shohrux Xon bilan “Gohi shodlik, gohi g‘am” filmidagi ijrosidan keyin ushbu filmdagi taklifni qabul qilmadi. Uning o‘rniga ushbu rolni Zayed Xon ijro etdi.
Juxi Chavla — “Devona qalb”
O‘tgan asrning 90-yillarida mashhurlikka erishgan aktrisa “Devona qalb” filmida Madxuri Dikshitdan keyingi ikkinchi darajali rolni qabul etmadi va uning o‘rniga Karishma Kapur tanlab olindi.
Kajol — “Devona qalb”
Kajol ham ushbu filmdagi aynan Nisha obrazini rad etgan.
Katrina Kaif — “Barfi”
Katrina “Barfi” kartinasida Priyanka Chopradan keyingi qahramonni gavdalantirishni istamadi va uning o‘rnini Ileana D’Kruz egalladi.
Saif Ali Xon — “Hayotda hamma narsa bo‘ladi”
“Hayotda hamma narsa bo‘ladi” filmidagi Salmon Xon qahramoni o‘rniga Saif Ali Xon taklif qilingan edi, ammo aktyor uni rad etdi.
Salmon Xon — “O‘tkinchi dunyo”
Bu safar “O‘tkinchi dunyo” filmida Saif Ali Xon ijro etgan obrazda Salmon Xon ko‘rinishni istamagan.
Shohrux Xon — “Padmavati”
Aytishlaricha, Shohrux Xon ushbu filmda ikkinchi darajali rolni ijro etmaslik uchun atayin gonorarini oshirgan. Shuning uchun rejissor uning o‘rniga Shaxid Kapurni taklif etgan.
Shaxid Kapur — “Mumbayda bir kuni”
Shaxid Kapur Akshay Kumardan keyingi ikkinchi darajali rolni rad etganidan so‘ng Imron Xon bunga rozi bo‘ldi.
Vidya Balan — “Vadaledagi otishma”
Vidya Balan juda ko‘p aktyorlar rol ijro etgan ushbu filmda uning obrazi soya ostida qolishini o‘ylab, taklif etilgan rolni rad etdi.
Shohrux Xon — “Za’faron rangi”
Aktyor ushbu filmda Amir Xondan keyingi ikkinchi darajali rolda namoyon bo‘lishni istamadi.
