“Real” bosh murabbiyi Karlo Anchelotti soliqlarni to‘lashdan bosh tortganlikda ayblanmoqda
“Real” bosh murabbiyi Karlo Anchelotti soliqlarni to‘lashdan bo‘yin tovlaganlikda ayblanmoqda.
Marca nashrining xabariga ko‘ra, madridliklar ustozi moliyaviy ayyorliklar tufayli sudlanishi mumkin.
Sudya Mariya Inmakulada Lova italiyalik murabbiy 2014-yilda imij huquqlaridan foydalanilishi oqibatida daromad sifatida olgan 386 361 yevroni deklaratsiya qilmagan degan xulosaga keldi.
Shu bilan birga, Anchelotti 2015-yildagi soliqlar bo‘yicha firibgarlik ishida aybsiz deb topilgan.
2021-yilda murabbiy Ispaniya soliq idorasi tomonidan tuzilgan yirik qarzdorlar ro‘yxatida ekanligi xabar qilingandi.
Eslatib o‘tamiz, Karlo Anchelotti 2021-yildan buyon “Real”ni boshqarib kelmoqda. Karlo qo‘l ostida madridliklar 2022/23-yilgi mavsum Ispaniya Kubogi sohibiga aylandi.
Anchelotti 2024-yildan boshlab Braziliya terma jamoasini boshqaradi.
