Blinken urushni tugatishning “eng tez” usulini aytdi

NATO sammitida qabul qilingan uzoq muddatli majburiyatlar Rossiya prezidenti Vladimir Putinni Ukrainadagi urushda g‘alaba qozona olmasligiga ishontirishning eng samarali usuli bo‘lishi mumkin. Bu haqda AQSH davlat kotibi Entoni Blinkenga tayanib, CNN xabar berdi.

Entoni Blinken Jakartadagi matbuot anjumanida tegishli bayonotni berdi.

“NATO majburiyatlari Putinni qandaydir yo‘l bilan Ukrainadan va Ukrainani qo‘llab-quvvatlayotgan o‘nlab davlatlardan o‘zishi mumkinligi haqidagi fikridan qaytarishning eng yaxshi usuli bo‘lishi mumkin”, — dedi u.

Blinken buni urushni tugatishning “ehtimol eng tez yo‘li” deb atadi. Shu bilan birga, AQSH davlat kotibi Putin Rossiya uchun “dahshatli xarajatlar”ga qaramay, uni cheksizlik tomon yetaklashga harakat qilishini aytdi.

“U qandaydir tarzda g‘alaba qozonishiga ishonishda davom etar ekan, harakatlanishdan chekinmaydi. Uni bu tushunchadan qaytarish kerak. NATOning Ukraina xavfsizligi, uning iqtisodiy farovonligi, insonparvarlik yordami bo‘yicha uzoq muddatli majburiyatlari buni amalga oshirishning eng yaxshi yo‘li bo‘lsa kerak”, — dedi Blinken.

Shu bilan birga, davlat kotibi urush “qayerda va qanday tugashi” haqidagi qarorni Ukraina qabul qilishi kerakligini aytdi.

“Biz Rossiya aslida mazmunli diplomatiya bilan shug‘ullanishga va boshlagan urushni tugatishga tayyor ekanidan hech qanday alomat ko‘rmayapmiz”, — dedi u.