AQSH shtatida damba yorildi. Aholidan zudlik bilan evakuatsiya qilish so‘ralmoqda (video)

AQSHning Missisipi shtatidagi damba 100 futga (30 metr) yorildi, aholiga zudlik bilan balandroq joyga ko‘chish so‘raldi. Bu haqda Daily Mail xabar berdi.

Ma’lum qilinishicha, hayot uchun xavf tug‘diruvchi suv toshqini haqida ogohlantirish e’lon qilingan. Dron tomonidan olingan tasvirlarida suv Archusa Krik akvapark ko‘li dambasi (Archusa Creek Water Park Lake Dam) tuzilmasini eroziya qilgani, suv damba devoridan pastga qarab oqayotganini ko‘rish mumkin.

Milliy ob-havo xizmati 16-iyul kuni soat 20:04 da damba yorilganidan keyin “pastki oqimdagi hududlarda hayot uchun xavfli suv toshqini” haqida ogohlantirish e’lon qilgan.

“Agar siz Archusa ostidagi past joylarda bo‘lsangiz, darhol balandroq joyga ko‘chishingiz kerak. Atrofingizga qarang, suv bosgan yo‘llarga duch kelganda cho‘kib ketmang. Ko‘pincha suv toshqini o‘limi transport vositalarini oqibatida sodir bo‘ladi”, — deyilgan ogohlantirishda.