Misrda noma’lum virus tarqalmoqda

Misrning Qohira yaqinidagi provinsiyasida bir necha kishi noma’lum kasallik bilan kasallangan bo‘lib, alomatlari bo‘yicha bu kasallik bezgakka o‘xshashi ma'lum qilinmoqda. 

"Iloji boricha tanani to‘liq berkitadigan kiyim kiying, hasharotlarni daf qiluvchi va yo'q qiladigan vositalardan foydalaning, bino ichida - deraza va eshiklarni to‘r bilan qoplang", - deya sayyohlar uchun ehtiyot choralari sanab o‘tildi.

Shuningdek, Misrdan uchib kelayotgan sayyohlarga sog'lig'i yomonlashganda shifokor bilan bog'lanish tavsiya etilmoqda.

Bezgak kasalligi ko'pincha mushak va bo'g'imlardagi og'riqlar, shuningdek, toshma, isitma va intoksikatsiya bilan birga keladi. Kasallik og'ir bosqichga o'tishi mumkin, bu davrda qon ketish xavfi bor.