Toshkentda yo‘lning belgilanmagan qismidan kesib o‘tayotgan piyodani avtobus urib yubordi

Toshkentning Yakkasaroy tumanida yo‘lning belgilanmagan qismidan kesib o‘tayotgan piyoda avtobus urib yuborishidan vafot etdi.

Poytaxt IIBB Yo‘l harakati xavfsizligi boshqarmasining ma’lum qilishicha, voqea 19-iyul kuni soat 17:00 larda Bobur ko‘chasida yuz bergan. Haydovchi A.D. Yutong avtobusini boshqarib ketayotib, yo‘lning belgilanmagan qismidan kesib o‘tayotgan piyoda G‘.K.ni (1972-yilda tug‘ilgan) urib yuborgan.

Oqibatda tan jarohatlari olgan piyoda tibbiy muassasaga olib borilgan. Biroq tibbiyot xodimlarining sa’y-harakatlariga qaramasdan vafot etgan.

Holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.