Isroil AQSHdan yangi F-35 qiruvchi samolyotlarini bepul oldi

Isroil havo kuchlari beshinchi avlod F-35I Adir qiruvchilarining yangi partiyasini qabul qilib oldi. Isroil qurolli kuchlari xabariga ko‘ra, ularning aviatsion parki uchta samolyotga ko‘paygan.

Beshinchi avlod qiruvchilarining bort raqamlari 958, 959 va 960. Aytish joizki, Isroilga F-35I Adir tekinga beriladi. Yaqinda ikki mamlakat o‘rtasida yana 25 ta samolyot yetkazib berish bo‘yicha uch milliard dollarlik shartnoma imzolandi. Bitim AQSH yordam fondlari tomonidan moliyalashtiriladi.

Qiruvchi samolyotlarda Isroil kompaniyalari tomonidan yaratilgan aviatsion elektronika mavjud. F-35I Adir qiruvchi samolyoti Spice-100, Python-5 va Stunner raketalarini olib yurish imkoniyatiga ega.

25 ta samolyotni sotib olish Isroilning F-35 flotini dunyodagi uchinchi yirik flotga aylantiradi. Birinchi va ikkinchi o‘rinlarda beshinchi avlod qiruvchi samolyotlari ko‘proq bo‘lgan AQSH va Yaponiya flotlari turadi.