Xitoyda pora olgan amaldor o‘limga hukm qilindi
Xitoyda sud Xanchjou elektron tijorat markazi kommunistik partiyasining sobiq rahbari Chjou Szyanyunni poraxo‘rlikda ayblab, shartli o‘lim jazosiga hukm qildi. Bu haqda South China Morning Post xabar berdi.
Amaldor olgan poralarning umumiy miqdori taxminan 25 million dollarni tashkil qilgan. Tergov mansabdor shaxsning korrupsion sxemalardagi ishtirokini isbotlashga muvaffaq bo‘lgan. Manbaga ko‘ra, u tashkilotlar va jismoniy shaxslardan pul olgan. Buning evaziga Chjou Szyanyun yer bilan bog'liq muammolarni hal qilishga va qurilish loyihalarini loyihalashda yordam bergan.
U 2001-yildan buyon shunday shartnomalarni imzolab keladi. O‘sha paytda u tuman hokimi o‘rinbosari lavozimida bo‘lgan.
Siyosatchining o‘lim jazosi ikki yillik sinov muddatidan so‘ng umrbod qamoq jazosiga almashtirilishi ham istisno emas. Bundan tashqari, Chjou Szyanyun siyosiy huquqlardan mahrum qilinadi va mulki musodara qilinadi.
Xitoyda pora olganlik uchun o‘lim jazosi
Yuqoridagi holat Xitoyda korrupsiya sababli o‘lim jazosi berilishining yagona holati emas. Bungacha Xitoyning Chanchun shahar sudi xavfsizlik vazirligining partiya qo‘mitasi sobiq a’zosi, sobiq general-mayor Lyu Yanpinni ikki yillik muhlat bilan o‘lim jazosiga hukm qilgandi.
Amaldor umumiy qiymati 234 million yuan (taxminan 34,5 million dollar) miqdorida pora olganlikda aybdor deb topilgan.
Avval ham Xitoyda 117 million yuan (qariyb 16,5 million dollar) pora olgan sobiq vazir o‘lim jazosiga hukm qilingandi.
