Oltoy Respublikasida ichida sayyohlar bo‘lgan vertolyot qulab, yonib ketdi (video)

Rossiya tarkibidagi Oltoy Respublikasida Mi-8 vertolyotining qulashi oqibatida olti kishi halok bo‘ldi, yana yetti kishi jarohat oldi, deb xabar bermoqda “TASS” mintaqa favqulodda xizmatlariga tayanib.

“RIA Novosti”ning yozishicha, vertolyot Ust-Koksinskiy tumani Tyungur aholi punktiga qo‘nayotganda yonib ketgan.

Halokatga vertolyotning elektr uzatish simlariga urilishi sabab bo‘lgan.

Vertolyot Altai Avia kompaniyasiga tegishli bo‘lib, unda bir guruh sayyohlar bor edi.

Ommaviy axborot vositalarida Mi-8 yonayotgani aks etgan kadrlar tarqaldi.

Avvalroq Gretsiyada o‘rmon yong‘inlarini o‘chirayotgan samolyot halokatga uchragandi. Bortdagilarning hech biri omon qolmagan.