“Barbi” filmi bir hafta ichida 500 mln dollar ishlab topdi

Rejissor Greta Gervigning “Barbi” komediyasi jahon prokatida 500 million dollar ishlab topdi. Film bir hafta avval taqdim etilgan edi.

To‘plangan mablag‘ning 290 million dollardan ko‘prog‘i xalqaro mintaqalarga, 237 million dollari esa Shimoliy Amerikaga tegishli. Filmda real hayotga tushib qolgan Barbi qo‘g‘irchog‘i haqida hikoya qilinadi. Bosh rollarni Margo Robbi va Rayan Gosling ijro etgan kartina budjeti 140 millon dollarni tashkil etgan.

Rejissor Kristofer Nolanning “Oppengeymer“ filmining daromadi esa 300 millionga yaqinlashgan. Ilk yadro bombasi yaratuvchisi haqida hikoya qilinadigan filmning hozirgacha keltirgan foydasi 265 million dollarni tashkil etmoqda.