Rossiyada o‘zbekistonlik yigit uchinchi qavatdan tushib ketdi 

Rossiyaning Tula shahrida o‘zbekistonlik yigit ko‘p qavatli binodan yiqilib tushdi. Migratsiya agentligi uning onasi yuborgan videoni e’lon qildi. 

Agentlikning ma’lum qilishicha, mazkur fuqaroga agentlik tomonidan ko‘maklashilgan. Shuningdek, ular vatanga qaytishi uchun bilet ham olib berilgan. Ayol agentlikka minnatdorlik bildirib, videomurojaat qilgan. 

“O‘g‘lim Solijonov Jahongir baxtsiz hodisa tufayli uchinchi qavatdan yiqilib tushgandi. Uni operatsiya qildirdik. O‘zbekistonga qaytishimiz uchun mablag‘imiz yo‘qligi sababli Tula shahridagi migratsiya xodimlariga murojaat qilib, yordam so‘ragan edim. Ular yordam berishdi: bilet olib berishdi. Yurtimizga ertaga ketamiz. Migratsiya xodimlari, boshliqlariga o‘z minnatdorchiligimni bildirib qolaman. Katta rahmat”, — deydi ayol.