Niger prezidenti hokimiyatdan ag‘darilgandan keyin ko‘rinish berdi (foto)
Davlat to‘ntarishiga urinishdan so‘ng hokimiyatdan ag‘darilgan Niger prezidenti Muhammad Bazumning qo‘shni Chad prezidenti bilan uchrashuvi aks etgan surat namoyish qilindi. Bu haqda The Guardian xabar berdi.
Chad prezidenti Mahamat Idriss Debi Nigerga diplomatik vakil sifatida prezident qarorgohida saqlanayotgani taxmin qilinayotgan Muhammad Bazum va davlat to‘ntarishi tashkilotchilari bilan suhbatlashish uchun kelgan.
Debi “jiddiy siyosiy inqiroz davrida ... qo‘shni davlatni larzaga keltirayotgan inqirozni tinch yo‘l bilan hal qilish yo‘llarini o‘rganish uchun” kelganini aytgan.
Shuningdek, u davlat to‘ntarishi rahbari, Niger prezident gvardiyasi boshlig‘i general Abdurahaman Tchiani ham jilmayib turgan va harbiy kiyimda tushgan suratni joylagan.
Askarlar prezidentni hokimiyatdan chetlatishga muvaffaq bo‘lganini da’vo qilmoqda, ammo hokimiyat uchun keskin kurash davom etmoqda. Qo‘shni davlatlar va xalqaro hamkorlar yangi rahbariyatni tan olishdan bosh tortgan va Bazumning qayta tiklanishini talab qilgan.
