Afg‘oniston 67 ta sisternadagi neftni O‘zbekistonga qaytarib yuborgani haqidagi xabarlar asossiz — “O‘zbekneftgaz”

Afg‘oniston hukumati neft sifati pastligini bahona qilib, 67 ta sisternadagi o‘zbek neftini O‘zbekistonga qaytarib yuborgani haqida xabarlar tarqalgandi. “O‘zbekneftgaz” axborot xizmatining “Daryo”ga maʼlum qilishicha, bu xabar asossiz.

Kompaniya vakilining aytishicha, hozirda tarqalgan asossiz xabar yuzasidan rasmiy bayonot tayyorlamoqda va u tez orada ommaga eʼlon qilinadi. 

“O‘zbekiston Afg‘onistonga ‘Yevro-6’ markali eng sifatli neftlardan birini eksport qiladi. Uni sifati past deyishga asos yo‘q. Mazkur markadagi neft Markaziy Osiyo mamlakatlari ichida faqat O‘zbekistonda ishlab chiqariladi”, — dedi kompaniyadagi manba.