Ukraina Turkmanistonga don yetkazib bermoqchi
Ukraina Turkmanistonning oziq-ovqat xavfsizligini yaxshilash uchun noyob imkoniyatga ega. Bu haqda Ukraina Tashqi ishlar vazirligi xabar berdi.
Ukraina TIV rahbarining birinchi o‘rinbosari Emine Japarova Turkmaniston elchisi Toyli Atayev bilan uchrashuvda tegishli masalani muhokama qildi. Shu tariqa Turkmaniston prezident Vladimir Zelenskiyning “Ukrainadan g‘alla” nomli dasturini amalga oshirishda ishtirok etishi mumkin.
Press-relizda aytilishicha, Turkmanistonning Yevropa Ittifoqi tashabbusi bilan boshlangan TRASEKA (Yevropa— Kavkaz—Osiyo transport koridori)ga kirishi Ukrainaga turkman importining eng muhim mahsulotlarini yetkazib berish uchun yangi imkoniyatlar yaratadi.
O‘z navbatida, tomonlar Turkmanistondan Ukrainaga neft mahsulotlari va mineral o‘g‘itlarni yetkazib berish istiqbollarini ham muhokama qilgan.
Aziz Boyarov
