O‘zbekistonda 1-sinfga boradigan o‘quvchilar uchun “Prezident sovg‘asi”ni maktablarga yetkazib berish boshlandi

O‘zbekistonda 1-sinfga boradigan o‘quvchilar uchun “Prezident sovg‘asi” jamlanmasini maktablarga yetkazib berish boshlandi, deb xabar bermoqda Maktabgacha va maktab ta’limi vazirligi axborot xizmati.

Unga ko‘ra, 1-sinfga chiqishi rejalashtirilgan 732 960 nafar bola uchun “Prezident sovg‘asi” xaridi amalga oshirilib, tuman bo‘limlari orqali hududlarga yetkazilmoqda. 1-sinf o‘quvchilariga beriladigan “Prezident sovg‘asi” tarkibida 12 turdagi o‘quv qurollari mavjud:

• O‘quvchi sumkasi;
• 12 dona daftar;
• Rasm daftari;
• Akvarel bo‘yoqlari;
• Rangli qog‘oz;
• Qalamdon;
• Sharikli ruchka;
• Rangli qalam;
• 2 dona oddiy qalam;
• Plastilin;
• Yelim;
• 2 dona o‘chirg‘ich.

Qayd etilishicha, “Prezident sovg‘asi” 25-avgustiga qadar vazirlikning adm.maktab.uz elektron bazasiga kiritilgan bolalar soniga mos ravishda  umumta’lim maktablariga yetkaziladi.