Konor Makgregor oktagonga qaytgach, kimlar bilan jang qilishini ma’lum qildi 

Ikki vazn toifasida UFC sobiq chempioni Konor Makgregor (22-6) oktagonga qaytgach kimlar bilan jang qilishini aytib o‘tdi.

“Dekabr oyida Maykl Chendlerga qarshi jang qilaman, keyin esa BMF kamari uchun Jastin Getjiga qarshi oktagonga ko‘tarilaman. So‘ngra Neyt Diaz bilan trilogiyani o‘ylab ko‘ramiz”, — deydi Konor. 

Eslatib o‘tamiz, Makgregor so‘nggi jangini 2021-yil iyul oyi Dastin Poryega qarshi o‘tkazib, oyog‘ini sindirib olgandi. Porye texnik nokaut evaziga g‘alaba qozongan edi.

Avvalroq, bokschi Oleksandr Usik Konorni jangga chorlagani xabar qilingandi.