Jozep Borrel Rossiyaning iqtisodiyoti Xitoy fonida “mitti” ekanini ta’kidladi

Yevropa diplomatiyasi rahbari Jozep Borrel El Pais nashriga bergan intervyusida Rossiya iqtisodiyotini “mitti” deb atadi. Borrelning fikricha, hozirda faqat Xitoyni haqiqiy geosiyosiy o‘yinchi deb hisoblash mumkin.

Diplomat Xitoy fonida Rossiya iqtisodiyoti “juda mitti ekani, xuddi egasida atom bombasi bo‘lgan yoqilg‘i quyish shoxobchasiga o‘xshashi”ni ma’lum qildi.

Avvalroq Borrel NATO kemalarini Tayvan bo‘g‘ozini patrul qilish uchun yuborishga chaqirgan edi.

Diplomatning ta’kidlashicha, Tayvan ma’naviy, iqtisodiy va texnologik nuqtayi nazardan Yevropa uchun nihoyatda muhim. Uning qo‘shimcha qilishicha, orol Yevropa geostrategik perimetrining muhim qismi hisoblanadi.