Isroil kuchlari Al-Aqso masjidida namozxonlarga hujum qildi (video)
Isroil kuchlari Al-Aqso masjidida juma namozi uchun yig‘ilgan falastinlik namozxonlarga hujum uyushtirdi, oqibatda kamida sakkiz kishi jarohat oldi. Bu haqda Tasnim xabar berdi.
Hujum masjidga kirishdagi “Sherlar darvozasi” nomi bilan ham tanilgan Bab al-Asbatda yuz bergan. Namozxonlarga qarshi shovqinli granatalar va rezina o‘qlardan foydalanilgan. Hujumning birinchi nishoni keksa falastinlik bo‘lgan. Isroil politsiyasi falastinliklar bilan to‘qnashuv chog‘ida ularning 3 nafar a’zosi yaralanganini bildirdi.
WAFA axborot agentligi hujum oqibatida falastinlik erkakning oyog‘i singani va u yaqin shifoxonaga olib ketilgani, yana bir nafar falastinlik esa hibsga olinganini aytdi.
Isroil tomonidan masjid darvozalariga qo‘ygan qattiq cheklovlarga qaramay, bugun o‘n minglab odamlar Al-Aqso masjidi hududida juma namozini o‘qidi. Isroil politsiyasi o‘z xodimlarini ko‘cha va xiyobonga, shuningdek, Al-Aqso masjidi darvozalariga joylashtirib, namozxonlarning masjidga kirishiga to‘sqinlik qilgani aytilmoqda.
