Trampning o‘g‘li otasining qamoqxonadagi surati tushirilgan buyumlar sotuvini yo‘lga qo‘ydi

Donald Trampning o‘g‘li otasining qamoqxonadagi fotosurati aks etgan buyumlarni sotishni boshladi. Bu haqda kichik Tramp ijtimoiy tarmoqlarda yozgan.

Ta’kidlanganidek, assortimentda krujkalar, plakatlar va futbolkalar mavjud.  U sotuvdan tushgan mablag‘ni Huquqiy mudofaa jamg‘armasiga yuborishga va’da berdi.

Avvalroq Fulton okrugi sherif idorasi Amerikaning 45-prezidentining qamoqxonadagi fotosuratini (mugshot deb ataladi) e’lon qilgan edi. Tramp AQSH tarixida hibsga olinishi paytida suratga tushgan birinchi davlat rahbari bo‘ldi.

Tramp 24-avgust kuni kechqurun politsiyaga taslim bo‘ldi. Uning o‘zi Jorjiya shtatining Atlanta shahridagi Fulton okrugi qamoqxonasiga keldi. Fulton okrugi sherifi idorasida mazkur tarixiy surat olindi.

AQSHda avval ham 1-darajadagi siyosatchilar hibsga olingan, ammo ular suratga olinmagan.