Gollivud aktrisasi Anjelina Jolini sohibjamolga aylantirgan 6 ta go‘zallik siri
Anjelina Joli dunyodagi eng go‘zal ayollardan biri (Buyuk Britaniyada u hatto 2000-yillarning asosiy go‘zali sifatida tan olingan). Uning go‘zalligi har qanday odamni o‘ziga jalb qiladi va aktrisaning hayotiy pozitsiyasi namuna bo‘lib xizmat qiladi, harakatga undaydi va ilhomlantiradi.
Anjelina Jolining faol turmush tarzi
Qomati va sog‘lig‘ini saqlab qolish uchun Joli yoga va kikboksing bilan shug‘ullanadi. Aktrisa shaxsiy murabbiyning qat’iy rahbarligi ostida mashq qiladi, qo‘shimcha ravishda ham kun davomida jismoniy faol bo‘lishga harakat qiladi.
Anjelina filmlardan birida suratga olishga tayyorgarlik ko‘rayotganda kikboksing bilan shug‘ullangan. Treninglar tananing muammoli joylaridan tezda xalos bo‘lishga, shuningdek, o‘zini himoya qilish ko‘nikmalarini rivojlantirishga yordam beradi. Yoga esa aktrisaga nafaqat sog‘lom va nozik bo‘lishga yordam beradi, balki uning fikrlarini tartibga soladi, dam oladi va diqqatni jamlaydi.
O‘rtacha diyeta, ammo boy ratsion
Aktrisa tabiiy, oqsilga boy va past kaloriyali taomlarni afzal ko‘radi. U mahsulotlarning foydali moddalar bilan to‘yinganligiga e’tibor qaratadi: antioksidantlar, omega-3 yog‘ kislotalari. Bundan tashqari, Jolining diyetasi murakkab uglevodlarga boy, ya’ni turli xil don va yormalar: ular orasida — kinoa, polba, tariq, chia urug‘lari bor.
Aktrisa kun davomida iste’mol qilinadigan kaloriyalar miqdorini kuzatib boradi. Odatda u kuniga taxminan 1200-1500 kaloriya iste’mol qiladi, bu uning sog‘lig‘i uchun yetarli. Bundan tashqari, u kun davomida ko‘p suv ichadi.
Terini parvarish qilishda tabiiy ingrediyentlar
Anjelina Joli teri go‘zalligi va sog‘lomligini saqlashga yordam beradigan yuqori sifatli kosmetikadan foydalanadi.
Teri parvarishi
Go‘zallik amaliyotida aktrisa terini oziqlantirish va namlash uchun jojoba, kokos va shi yog‘laridan foydalanadi. Shuningdek, tabiiy ingrediyentlardan yuz niqoblari tayyorlaydi, bunda asal va aloe hamda sulidan foydalanadi.
Sochlar parvarishi
Anjelina shampun, balzam va niqoblarga moy qo‘shishni ham afzal ko‘radi. U zararli kimyoviy moddalar bo‘lgan mahsulotlardan qochishga harakat qiladi. Soch turmagida esa aktrisa nafislikni ta’kidlaydigan sodda va ixchamlikni ma’qul ko‘radi.
Hashamatli bo‘lmagan makiyaj
Makiyajning sezilarli elementlaridan biri bu uning lablari hisoblanadi. U lablar shaklini ta’kidlaydigan tabiiy lab bo‘yog‘i va obrazni yanada jozibali qiladigan yorqin qizil ranglarni tanlaydi.
Kiyinishdagi soddalik va nafislik
Anjelina Joli qomatini ta’kidlaydigan kiyimlarni afzal ko‘radi. Aktrisa klassik obrazlarni yoqtiradi. Garderobi juda xilma-xil, turli uzunlikdagi ko‘ylaklar, kostyumlar va boshqa ko‘p narsalarni ko‘rish mumkin.
Bundan tashqari, Anjelina aksessuarlar bilan tajriba qilishdan qo‘rqmaydi. Aktrisani ko‘pincha katta sirg‘a va halqalarda ko‘rish mumkin.
O‘ziga ishonch
Ha, ishonch ham go‘zallikka ta’sir qiladi va Joli buni biladi. U har doim o‘zini munosib tutadi. Aktrisaning fikricha, agar o‘zingizga va qobiliyatingizga ishonmasangiz, go‘zallikning hech qanday ahamiyati qolmaydi.
“Men o‘zimni go‘zal ayol deb hisoblamayman. Balki harakat qila oladigan, maqsadlarga erisha oladigan odam deb bilaman. Ilgari hamma ajralib turishga intilgan bo‘lsa, endi olomonga aralashishga harakat qilmoqda. Menimcha, insondagi eng go‘zal narsa bu — aql. Idrokli, ishtiyoqmand, fikrlaydigan odamdan ko‘ra jozibalirog‘i yo‘q”, — deya ta’kidlaydi Joli.
