Qirg‘izistonda qor yog‘di (video) 

Qirg‘izistonning Norin viloyatidagi Torugart dovonida birinchi qor yog‘di. Bu haqda Kaktus Media xabar berdi.

Ijtimoiy tarmoqlarda guvohlar tomonidan olingan avgust oyidagi qorning videosi tarqalmoqda. Tabiat hodisasi qirg‘iz-xitoy chegarasi yaqinida kuzatilgan. 

Qirg‘iziston gidromet 27-avgust kuni kunduzi va 28—29-avgust kunlari respublikada ob-havo keskin o‘zgarishini ma’lum qilgan. Mamlakatning tog‘li hududlarida ham qor yog‘ishi kutilmoqda.