Konor Makgregor dekabr oyida Maykl Chendlerga qarshi jang anonsini ijtimoiy tarmoqqa joyladi (foto) 

Ikki vazn toifasida UFC sobiq chempioni Konor Makgregor (22-6) 2023-yil dekabr oyida oktagonga qaytadi.

Konor dekabr oyida Maykl Chendlerga qarshi jang qiladi. Bu haqida irlandiyalik jangchining o‘zi X (avvalgi Twitter) sahifasida ma’lum qildi. Suratda Makgregor va Chendler qarama-qarshiligi UFC 296 turnirining asosiy jangi sifatida ko‘rsatilgan. 

Turnir 17-dekabr kuni Las-Vegasda (Nevada) bo‘lib o‘tadi. 

Eslatib o‘tamiz, Makgregor so‘nggi jangini 2021-yil iyul oyi Dastin Poryega qarshi o‘tkazib, oyog‘ini sindirib olgandi. Porye texnik nokaut evaziga g‘alaba qozongan edi.

Avvalroq, bokschi Oleksandr Usik Konorni jangga chorlagani xabar qilingandi.