Moskvaga uchayotgan samolyot Toshkentga favqulodda qo‘ndi

Moskvaga uchayotgan samolyot Toshkentga favqulodda qo‘ndi. Bu haqda “Uzbekistan Airports” AJ axborot xizmati xabar berdi.

Unga ko‘ra, Rossiyaning Azur Air aviakompaniyasining Pxuket-Moskva yo‘nalishi bo‘yicha ZF4002 reysini amalga oshirayotgan samolyoti Toshkentga favqulodda qo‘ndi. Samolyot mahalliy vaqt bilan soat 18:50 da Toshkent ayeroportiga qo‘ngan. 

Ma’lum qilinishicha, yo‘lovchining sog‘lig‘i yomonlashgani sababli ekipaj zaxira ayerodromga o‘tishga qaror qildi. Ayeroportga qo‘ngach, yo‘lovchi tez yordam mashinasida olib ketilgan va malakali tibbiy yordam ko‘rsatish uchun tibbiy muassasaga yotqizilgan.