Ukraina va Belarus chegarasidagi ko‘prik portladi

Ukraina va Belarus chegarasidagi temir yo‘l ko‘prigi portladi. Bu haqda “Belaruski Gayun” xabar berdi. 

 

 

Hodisa 29-avgust kuni mahalliy vaqt bilan soat 03:30 atrofida “Slovechno” bekatidan 800 metr uzoqlikda sodir bo‘lgan.

Dastlabki ma’lumotlarga ko‘ra, yaqin atrofda chaqmoq urishi TM-62 tankka qarshi minalarning portlashiga sabab bo‘lgan. Belarus Telegram kanallari portlash ko‘prik tayanchiga zarar yetkazgani va ikki yo‘nalishdagi temir yo‘l ko‘tarmasini vayron qilganini yozmoqda.

“Ukrainskaya pravda”ning harbiy doiralardagi manbalariga ko‘ra, ob-havo sharoiti tufayli chaqmoq urishi oqibatida Ukraina—Belarus chegarasining ma’lum bir qismini qoplagan minalar ishga tushgan. Hodisa oqibatida qurbonlar qayd etilmagan.