“O‘g‘rilik qilmasalaring, shunga munosib bo‘lsalaring bo‘ldi” — Shavkat Mirziyoyev bojxonachilarga barcha sharoitlar yaratilishini aytdi

Bojxona qo‘mitasida Bojxona rasmiylashtiruvi markazi barpo etildi. 29-avgust kuni prezident Shavkat Mirziyoyev ushbu majmuani borib ko‘rdi.

Prezident Bojxona rasmiylashtiruvi markazi bilan tanishar ekan, tizim korrupsiyadan holi bo‘lishi zarurligini aytdi.

 

 

 

“Birinchi tarmoq bojxona korrupsiyadan holi hudud bo‘ladi. Men oylik, uy, sharoit va bolalaringni o‘qish bilan taʼminlayman. Faqat o‘g‘rilik qilmasalaring, shunga munosib bo‘lsalaring bo‘ldi”, – dedi Shavkat Mirziyoyev.

 

 

 

 

 

Maʼlum qilinishicha, markaz amaldagi zaxiraga nisbatan o‘n barobar katta hajmli zamonaviy serverlar, kompyuter va boshqa zarur uskunalar bilan jihozlangan. Bu aloqa kanallari tezligini 5 barobarga oshirish va rasmiylashtiruv vaqtini 2 barobarga qisqartirishni taʼminlaydi.