AQSH ichki siyosiy kurashlarga qaramay, Ukrainaga moliyaviy yordamni ko‘paytirishga va’da berdi
AQSH moliya vaziri Janet Yellen mamlakatning Ukrainaga moliyaviy yordamini oshirishga va’da berdi.
Bloomberg agentligi Yellenning so‘zlariga tayanib xabar berishicha, u partiyalararo kurashga qaramay, bu harakatlar AQSH Kongressi tomonidan qo‘llab-quvvatlanishiga ishonch bildirmoqda.
“Biz, shuningdek, Ukrainani qo‘llab-quvvatlashga sodiqmiz va yaqinda qo‘shimcha moliyalashtirish bo‘yicha so‘rov yubordik. Kongressning ikkala palatasi ham Ukrainani qo‘llab-quvvatlayotganidan mamnunman va bizda mablag‘ borligiga ishonch hosil qilishimizga umid bildiraman”, — deya Yellenning so‘zlarini keltiradi nashr.
Shu bilan birga, Respublikachilar palatasi spikeri Kevin Makkarti 1-oktabrdan keyin AQSH hukumati operatsiyalarini moliyalashtirish uchun qabul qilinishi kerak bo‘lgan qonun loyihasiga prezident Jo Baydenning Ukrainadagi favqulodda vaziyatlar uchun 24 milliard dollar ajratish bo‘yicha so‘rovini kiritish niyatida emas.
7-sentabr kuni Pentagon Amerika Qo‘shma Shtatlari Ukrainaga yangi harbiy yordam ajratishini eʼlon qilgandi.
Yangi yordam paketi 600 million dollarni tashkil etadi. Ukraina xavfsizligiga ko‘maklashish tashabbusi orqali taqdim etilgan ushbu paket Ukraina havo mudofaasini kuchaytirish uchun uskunalar, artilleriya o‘q-dorilari va boshqa narsalarni o‘z ichiga oladi.
