BMT bosh kotibi Antoniu Guterrish Ukrainadagi mojaroning tinch yo‘l bilan tez hal etilishiga umid qilmayapti

Birlashgan Millatlar Tashkiloti bosh kotibi Antoniu Guterrish Ukrainadagi mojaro yaqin kelajakda tinch yo‘l bilan hal etilishiga umid qilmayotganini aytib o‘tdi.

Uning so‘zlariga ko‘ra, Rossiya ham, Ukraina ham urushni “davom etishga qaror qilishdi”.

“Ukrainadagi mojaro yaqin kelajakda tinch yo‘l bilan hal etilishiga umidim ko‘p emas. Ishonamanki, ikkala tomon ham mojaroni davom ettirishga qaror qilgan”, — dedi Guterrish Nyu-Dehlidagi matbuot anjumanida.

G20 bo‘yicha asosiy tadbirlar ertaga 9-sentabr kuni boshlanadi. Shunga qaramay tashkilotga a’zo ko‘plab davlatlar rahbarlari allaqachon Nyu-Dehliga yetib kelishgan.

Tashkilot yig‘ilishining kun tartibida oziq-ovqat xavfsizligi masalasi bo‘lishi ma’lum qilingan.