Jorj Bush shaxsiy uchrashuvda Putin uni qanday ranjitganini esladi 

AQSH sobiq prezidenti Jorj Bush Rossiya prezidenti Vladimir Putin uning sevimli itini mazax qilganida, undan hafa bo‘lganini esladi. Bush bu voqeani Kiyevda bo‘lib o‘tgan “Yalta konferensiyasi”dagi onlayn ishtirokida esga oldi.

“U mening terrierimni (it zoti) ko‘rib: “Nahotki bu it?” dedi. Keyin Moskvada o‘zining itini ko‘rsatishni taklif qildi. Rozi bo‘ldim va katta itni ko‘rsatib, menikini osongina eplashini aytdi. Hayron bo‘ldim va bu menga haqorat hisoblanishini bildirdim, Putin ‘Nima uchun’, deb so‘radi”, — esga oldi Jorj Bush.

AQSH sobiq prezidentining fikricha, bu voqea Putinning xarakterini yaxshi aks ettiradi.

“U har doim o‘z kuchini namoyish etishni istaydi. Buning o‘rniga u Rossiyani zaiflashgan davlat deb hisobladi va shuning uchun butun dunyodan xafa bo‘ldi”, — dedi Bush.

Shuningdek, Amerikaning sobiq rahbari Putinning ko‘ziga qarab, uning tabiatini ko‘rganini da’vo qildi

“U hokimiyat va pul ishtiyoqi bilan kasallangan”, — ta’kidladi siyosatchi.