Rossiya Ukrainaning Qrimga ketayotgan uchta katerini yo‘q qilganini aytdi

Rossiya Mudofaa vazirligi 10-sentabrga o‘tar kechasi Qora dengizda Ukraina armiyasining desant guruhlari bo‘lgan uchta tezyurar katerni yo‘q qilganini ma’lum qildi. 

Vazirlikning da’vo qilishicha, Amerikada ishlab chiqarilgan Willard Sea Force katerlari Zmeyniy orolining shimoli-sharqida Qora dengiz flotining harbiy-dengiz aviatsiyasi samolyotlari tomonidan yo‘q qilingan.

Rossiya Mudofaa vazirligi, shuningdek, anneksiya qilingan Qrim hududida tunda sakkizta dron yo‘q qilgani haqida xabar bergan.

4-sentabr kuni Rossiya Zmeyniy oroli hududida bortida desantlar bo‘lgan to‘rtta Ukraina kateri yo‘q qilinganini bildirgandi. 30-avgust kuni to‘rtta, 22-avgust kuni esa bitta katerga hujum qilingani aytilgan.