“Havoni ifloslantiradi”: Tojikiston eski avtomobillarni mamlakatga olib kirishni taqiqlamoqda

Tojikiston mamlakat hududiga Jahon Savdo Tashkilotiga (JST) aʼzo bo‘lgan davlatlar, jumladan, Qozog‘istondan eski avtomobillarni olib kirishga taqiq joriy qilmoqda. Bu haqda Tengrinews xabar berdi.

“KazStandard” matbuot xizmatiga ko‘ra, cheklovlar 2013-yilgacha ishlab chiqarilgan avtomobillarga tegishli.

“Tojikiston havo ifloslanishi, inson salomatligi va atrof-muhitga zarar yetkazishda asosiy manba bo‘lgan eski avtomobillarni mamlakatga olib kirilishining oldini olishga qaratilgan farmon tayyorladi”, — deydi “KazStandard”.

Ta’kidlanishicha, qaror eski avtomobillardan chiqindi (akkumulyatorlar, shinalar, konditsionerlar) miqdorini sezilarli darajada kamaytirishni ham nazarda tutadi. Farmon 2024-yil 1-yanvardan kuchga kiradi.