Video: Namanganda paxta terayotgan 90 yoshli onaxonlar

90 yashar Shahodat Saidaliyeva va 88 yoshli Anorxon Mansurova To‘raqo‘rg‘on tumanidagi “Bekobod” mahallasida istiqomat qiladi. Bu haqda “Daryo” muxbiri Azizbek Abduvaliyev xabar bermoqda.

Tabarruk yoshni qarshilagan opa-singillarning birlari 11, yana birlari 9 nafar farzandga bosh. Ikkovlarida 100 dan ortiq nevara-evaralar bor.

Anorxon Mansurovaning o‘g‘li Sardorbek shu mahalladagi fermer xo‘jaligi rahbari. Opa-singil xo‘jalik dalalariga chiqib, paxta terishni odat qilishgan. Tushlik vaqtiga qadar 45-50 kilogrammdan xirmon uyishmoqda.

“90 yoshga qarab ketayotgan bo‘lsam, umrimning 70 yili dalada o‘tdi. Paxta terdim, pilla boqdim. Menga ergashib, o‘g‘lim ham fermer bo‘lib ketdi. Bekor o‘tirmaylik deb, opam ikkovimiz dalaga chiqib turibmiz. Ham qon yurishadi, ham xirmonga baraka”, — deydi Anorxon aya.