“Turkmaniston Markaziy Osiyo mintaqasini o‘zining energiya resurslari bilan ta’minlashga tayyor” — Serdar Berdimuhamedov

Turkmaniston o‘zining tabiiy gazi va elektr energiyasini Markaziy Osiyo mamlakatlariga hamda ularning hududlari orqali tashqi bozorlarga o‘zaro manfaatli shartlarda va uzoq muddatli asosda yetkazib berishga tayyor.

Bu haqda Turkmaniston prezidenti Serdar Berdimuhamedov Dushanbe shahrida bo‘lib o‘tgan Markaziy Osiyo davlatlari rahbarlarining beshinchi maslahat uchrashuvida ma’lum qildi, deya yozmoqda Turkman davlat xabarlari.

Berdimuhamedov Markaziy Osiyo davlatlari o‘rtasida energetika muloqotini yaratish tarafdori. Uning so‘zlariga ko‘ra, “ayni paytda mintaqada ham, mintaqa ichidagi talabni qondirishga ham xalqaro tranzit yo‘laklari orqali jahon bozorlariga chiqishga yo‘naltirilgan barqaror energiya hamkorligi uchun siyosiy, huquqiy va iqtisodiy shart-sharoitlarni shakllantirish jarayoni kuzatilmoqda.

Gaz zaxiralari bo‘yicha dunyoda to‘rtinchi o‘rinda turadigan Turkmaniston ushbu yoqilg‘i turini Xitoy, Rossiya, Ozarbayjon va O‘zbekistonga sotadi. Elektr energiyasini Afg‘oniston, Eron, Qirg‘iziston va O‘zbekiston import qiladi.

Aziz Boyarov