Toshkent metropolitenida yo‘lovchining tobi qochgani sabab poyezdlar tarkibi kechikdi

Ijtimoiy tarmoqlarda metro yo‘nalishlarida poyezdlar uzoq vaqtda kelmoqda mazmunidagi xabarlar tarqaldi. “Toshkent metropoliteni” DUK holat yuzasidan maʼlumot berdi.

Unga ko‘ra, 19-sentabr sanasi 18:15 lar atrofida “Toshkent” bekatiga kirib kelgan 37-sonli harakat tarkibidagi yo‘lovchilardan birining tobi qochgan va ushbu yo‘lovchi vagondan bekatga olib chiqilib, tegishli tartibda yordam choralari ko‘rsatilgan. Buning natijasida ushbu harakat tarkibi yo‘nalishda belgilangan jadvaldan 2 daqiqa kech harakatlangan.

Hozirgi vaqtda ushbu yo‘nalishda poyezdlar belgilangan jadvalga asosan harakatini amalga oshirmoqda.