Dilshod Axatov O‘zbekistonning Germaniyadagi elchisi etib tayinlandi 

O‘zbekistonning Germaniyadagi favqulodda va muxtor elchisi etib tayinlangan Dilshod Axatov Berlin shahriga keldi. Bu haqda “Dunyo” agentligi xabar berdi.

Bungacha Axatov O‘zbekistonning Hindistondagi elchixonasiga rahbarlik qilgan (2020–2023 yil). U 51 yoshda bo‘lib, Jahon iqtisodiyoti va diplomatiya universiteti hamda Moskva davlat xalqaro munosabatlar institutini tamomlagan.

Dilshod Axatov Tashqi ishlar vazirligi tizimidagi faoliyatini stajyor sifatida boshlagan va tashqi ishlar vaziri o‘rinbosarigacha bo‘lgan martaba zinapoyasining barcha bosqichlarini bosib o‘tgan. 

U 2010—2013-yillarda O‘zbekistonning Germaniyadagi favqulodda va muxtor elchisi (o‘rindoshlik bo‘yicha Shveysariya, Chexiya, Shvetsiya va Ispaniyada) sifatida faoliyat yuritgan. 

Dilshod Axatov 2017—2023-yillarda Berlindagi elchi lavozimida ishlagan Nabijon Qosimov o‘rnini egallaydi.