Instagram: O‘g‘lini uylantirgan Ulug‘bek Otajonov, Sherali Jo‘rayev haqqiga duo qilgan Botir Qodirov, turkiyalik oshpazga Mercedes sovg‘a qilgan o‘zbekistonlik
Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.
Turkiyalik taniqli oshpaz Burak O‘zdemir Istanbul shahrida yangi restoranini ochdi. Shu munosabat bilan uning o‘zbekistonlik muxlislaridan biri oshpazga Mercedes avtomobilini sovg‘a qildi.
Aktrisa Shahzoda Muhammedova BAAning Sharja shahrida dam olmoqda.
O‘zbekistonda xizmat ko‘rsatgan artist Sevara Nazarxon Toshkent yo‘llaridagi tartibsizliklardan shikoyat qildi. Har qadamga o‘rnatilgan kameralar, “povorot” yoqmaydigan haydovchilar xonandaga noqulaylik tug‘dirmoqda.
Aktrisa Shahzoda Matchonova kuzatuvchilariga ayni paytda o‘zi tomosha qilayotgan seriallari haqida so‘zlab berdi. U Janubiy Koreya kino ijodkorlari tomonidan suratga olingan “Qirolicha Ki” serialini qiziqish bilan tomosha qilayotganini yozdi. Shuningdek, muxlislariga manzur bo‘ladigan film va seriallar nomini ham sanab o‘tdi.
Vayner Xonzoda Qambarova kuzatuvchilariga uchinchi marta ona bo‘lishini ma’lum qildi
Aktrisa Gulruh Pirnazarova Sankt-Peterburg shahriga sayohatga jo‘nab ketdi.
Asal Shodiyeva telefonda suhbatlashayotgani aks etgan suratni joylab, kuzatuvchilaridan “Siz kim bilan suhbatlashayotganingizda vaqt haqida unutasiz?”, deb so‘radi.
Taniqli xonanda Ulug‘bek Otajonov o‘g‘lini uylantirayotgani munosabati bilan osh berdi
Yosh aktrisa Rayhon Asadova onasini tavallud kuni bilan tabrikladi.
Instabloger Karima Rizayeva opasi Munisaning to‘yiga o‘zi suratga olgan videorolikni sahifasiga joyladi. Ushbu videoda uning opasiga qanday qilib kuyov topgani haqida hazil tariqasida hikoya qilinadi.
Xonandalar Malika Ravshanova va Ziyoda to‘y xizmati bahonasida ko‘rishib qolishdi.
Botir Qodirov Mister Qaha taxallusi bilan ijod qiluvchi xonanda Qahramon To‘xtasinov o‘g‘lining to‘yida xizmatda bo‘ldi. U kechada Sherali Jo‘rayevning bir nechta qo‘shig‘ini ijro etgan hamda xizmatdan so‘ng mehmonlardan marhum san’atkor haqqiga duo qilishlarini so‘ragan.
