Turkmanistonda 10 mlrd dollarlik qurilish loyihalari amalga oshirilmoqda
Turkmanistonda ayni paytda umumiy qiymati 10 milliard dollardan ortiq bo‘lgan 200 ga yaqin loyiha qurilmoqda, deb xabar berdi “Oltin Asir” mahalliy telekanali. Bu haqda Turkmaniston Xalq Maslaxati raisi Gurbanguli Berdimuhamedov Berlinda Germaniya Sharqiy iqtisodiy qo‘mitasi vakillari bilan uchrashuvda ma’lum qilgan.
“Sanoat va innovatsion o‘sish yo‘lidagi strategik yo‘nalish umumiy investitsiyalarning 60 foizdan ortig‘ini ishlab chiqarish sohasiga yo‘naltirish orqali taʼminlanadi”, — deyiladi xabarda.
Berdimuhamedovning so‘zlariga ko‘ra, iqtisodiyotga yillik sarmoya yalpi ichki mahsulotning 18–19 foizini, xorijiy investitsiyalar ulushi esa 12 foizni tashkil etadi. 2023-yilning yanvaridan avgustigacha YIM o‘sishi 6,2 foizni tashkil etdi.
Yevropa tiklanish va taraqqiyot banki va Osiyo taraqqiyot banki 2023-yilda Turkmanistonning iqtisodiy o‘sishi 6,5 foiz, Xalqaro valyuta jamg‘armasi 2,3 foizni tashkil etishini kutmoqda.
Eziz Boyarov
