Shavkat Mirziyoyev Nebras Power kompaniyasi bilan uzoq muddatli investitsiya dasturini qabul qilishni taklif etdi

O‘zbekiston prezidenti Shavkat Mirziyoyev 1-oktyabr kuni Doha shahriga kelgach, Nebras Power kompaniyasi boshqaruvi raisi Muhammad al-Hajriyni qabul qildi. Bu haqda Prezident matbuot xizmati xabar berdi.

Nebras Power – Qatarning yetakchi energetika korporatsiyasi. Kompaniya o‘ndan ziyod mamlakatida yirik loyihalarni amalga oshirgan.

Ta’kidlanishicha, uchrashuvda energetika sohasida, eng avvalo, muqobil energetikada yangi loyihalarni ilgari surish bo‘yicha o‘zaro manfaatli hamkorlikni rivojlantirish ko‘rib chiqilgan.

Mirziyoyev Sirdaryo viloyatida Qatar kompaniyasi ishtirokida bug‘-gaz texnologiyalari asosida quvvati 1,6 GVt bo‘lgan zamonaviy elektr stansiyasi qurilishi loyihasini amalga oshirish boshlanganini qayd etgan.

Surxondaryo viloyatida issiqlik elektr stansiyasini barpo etish loyihasi doirasida tayyorgarlik ishlari yakunlanmoqda.

Uchrashuvda Toshkent viloyatida 600 MVt quvvatli energiya saqlash tizimlarini yaratish hamda Qoraqalpog‘istonda 1 GVt quvvatli shamol elektr stansiyasini ishga tushirish bo‘yicha qo‘shma rejalar muhokama qilingan.

Uzoq muddatli sheriklik dasturini qabul qilish, unga, “yashil” energetikaga oid istiqbolli loyihalarni kiritish yuzasidan kelishuvga erishilgan