AQSH ikkinchi yangi avlod strategik suvosti kemasi uchun 600 milliondan ortiq mablag‘ ajratdi

Noyabr oyi o‘rtalariga qadar davom etadigan AQSHning vaqtinchalik budjeti doirasida Columbia toifasidagi ikkinchi yangi avlod strategik suvosti kemasini qurish uchun 621 million dollar ajratildi.

Bu haqda AQSH harbiy-dengiz instituti axborot xizmati ma’lum qildi.

Trident II D5 qit’alararo ballistik raketalari bilan jihozlangan USS Wisconsin yadroviy suvosti kemasini Rod-Aylenddagi General Dynamics Electric Boat kemasozlik zavodida qurishni boshlash rejalashtirilgan.

2022-yil iyun oyida yasash boshlangan Columbia toifasidagi birinchi suvosti kemasining qurilishi hozirda davom etmoqda. Uning qiymati 8,5 milliard dollarga baholanmoqda.

Umuman olganda, Amerika Qo‘shma Shtatlari Columbia toifasidagi 12 ta strategik suvosti kemasini qurishni rejalashtirmoqda. Ular hozirda AQSH yadroviy triadasida joylashgan, har birida 20 ta Traident II D5 raketasi bor bo‘lgan 14 ta eskirgan Ohio toifasidagi strategik suv osti kemalarini o‘rnini egallaydi.

Columbia toifasidagi birinchi strategik suvosti kemasi 2031-yilda jangovar patrulga chiqishi rejalashtirilgan.