O‘zbekistonliklar Germaniyaga oyligi 1,7 ming yevro bo‘lgan ishga taklif qilinmoqda

O‘zbekistonliklar Germaniyaga oyligi 1,7 ming yevro bo‘lgan ishga taklif qilinmoqda. Bu haqda Tashqi mehnat migratsiyasi agentligi axborot xizmati xabar berdi.

Ma’lum qilinishicha, Germaniyaga yuk mashinalariga texnik xizmat ko‘rsatish ishlariga fuqarolar taklif etiladi. Nomzodlar uchun talablar:

• avtomobillarga texnik xizmat ko‘rsatish bo‘yicha texnikum, kollej, institut yoki universitet diplomi;
• avtomobillarga texnik xizmat ko‘rsatish bo‘yicha tajriba;
• Gyote, ECL, ÖsD yoki TELC’dan olingan nemis tili bo‘yicha B1 daraja sertifikat (A2 sertifikat bilan ro‘yxatdan o‘tish mumkin);
• 20 yoshdan 40 yoshgacha;
• sog‘lom, xushmuomala, mas’uliyatli bo‘lishi.

Afzalliklari:

• Oylik 1700 yevrodan boshlanadi (netto);
• Viza, Germaniyagacha aviachipta va transfer xarajatlari ish beruvchi hisobidan;
• Sinov muddatidan so‘ng uzoq muddatli mehnat shartnomasi imkoniyati;
• 1 yilda 30 kun ta’til;
• Arzonlashtirilgan yashash joy topishga ko‘mak.

Ro‘yxatdan o‘tish uchun zarur hujjatlar:

• xorijga chiqish pasporti (pdf shaklda);
• avtomobillarni ta’mirlash va ularga texnik xizmat ko‘rsatish bo‘yicha diplom;
• nemis tilini bilish sertifikati (pdf shaklda);
• nemis tilidagi tarjimai hol (Lebenslauf, pdf shaklda).

Ro‘yxatdan o‘tish