Afg‘onistondagi zilzilada 15 kishi halok bo‘ldi (foto, video)

7-oktyabr kuni Afg‘onistonda ketma-ket besh marta kuchli zilzila sodir bo‘ldi, deb xabar bermoqda “Daryo”ning Afg‘onistondagi muxbiri.

Hirot viloyatida 6,2 magnitudali zilzila qayd etilgan, uning epimarkazi 272 ming kishi istiqomat qiladigan Hirot shahridan 42 kilometr shimoli-g‘arbda joylashgan. Zilzila o‘chog‘i 10 kilometr chuqurlikda.

Hodisa oqibatida 15 kishi halok bo‘ldi. Yana 40 nafar fuqaro turli darajadagi tan jarohatlari oldi.

“Tolibon” rasmiylari qurbonlar haqidagi ma’lumotlar Hirotning Zande Jan tumanidagi uchta qishloqdan kelib tushganini ma’lum qildi.

3-oktyabr kuni Nepal g‘arbida 6,3 va 5,3 magnitudali ikkita zilzila sodir bo‘lgandi. Oqibatda 17 kishi jarohatlangan.