Qamchiq dovonida qor yog‘di (video) 

Qamchiq dovonida 13-oktyabr kuni erta tongda qor yog‘di. Bu haqda FVV matbuot xizmati xabar berdi.

“Favqulodda vaziyatlar vazirligi yo‘l-transport hodisalari bilan bog‘liq favqulodda vaziyatlarning oldini olish maqsadida, dovon hududida harakatlanishda haydovchilardan barcha xavfsizlik choralarini ko‘rishlarini so‘rab qoladi”, — deyiladi xabarda.

“O‘zgidromet” O‘zbekistonning aksariyat hududlarida 13-oktyabr kuni yomg‘ir yog‘ishi, tog‘oldi va tog‘li hududlarida havo o‘zgarib turishi, tog‘larda baʼzi joylarda qor yog‘ishi to‘g‘risida xabar bergandi.

• Eslatib o‘tamiz, oktyabr boshlarida Qashqadaryo viloyatining baland Hisor tog‘liklarida qor yog‘ib o‘tgani aytilgandi.
• “Hisor” davlat qo‘riqxonasi hududida 2023-yil 28-sentyabr—1-oktyabr kunlari qor yog‘ib, havo harorati pasayib, daryo va buloq suvlari muzlash holatlari kuzatilgan.