Isroil G‘azoga gumanitar yordam yetkazilishiga to‘sqinlik qilmasligini tasdiqladi
Isroil Misrdan G‘azo sektoriga insonparvarlik yordami yetkazilishiga to‘sqinlik qilmaydi, biroq HAMAS harakati garovdagilarni ozod qilmagunicha, uni Isroil hududidan yetkazishga ruxsat bermaydi, deb xabar berdi Isroil bosh vaziri Binyamin Netanyaxu idorasi.
“Isroil terroristik guruhlar tomonidan qo‘lga olingan garovdagilar qaytarilmaguncha o‘z hududidan G‘azo sektoriga hech qanday gumanitar yordam yetkazilishiga yo‘l qo‘ymaydi. Biroq Misrdan G‘azoga gumanitar yuk yetkazilishiga to‘sqinlik qilmaydi”, — deya iqtibos keltiradi The Times gazetasi Isroil bayonotidan.
Gumanitar yordam deganda Isroil hukumati G‘azo sektori janubidagi tinch aholi uchun mo‘ljallangan oziq-ovqat, suv va dori-darmonlarni nazarda tutishini ma’lum qildi.
“Shu bilan birga Isroil HAMASga yuborilgan har qanday yuklarni bloklaydi”, — deyiladi xabarda.
