Isroil Mudofaa vazirligi rahbari G‘azoda quruqlikdagi operatsiyani tezroq boshlashga va’da berdi

Isroil mudofaa vaziri Yoav Galant payshanba kuni Isroil qo‘shinlari yaqin orada G‘azo sektoriga kirishini aytdi. Bu haqda The Times of Israel nashri xabar bermoqda.

“Hozircha siz G‘azoni uzoqdan ko‘rmoqdasiz, lekin tez orada uni ichkaridan ko‘rasiz. Bu bo‘yicha buyruq keladi”, — dedi vazir G‘azo sektori chegarasidagi Isroil harbiylariga so‘zlagan nutqida.

O‘z navbatida, Isroil mudofaa kuchlari janubiy harbiy okrugi qo‘mondoni general-mayor Yaron Finkelman G‘azo sektoridagi quruqlikdan hujum “qiyin, uzoq va shiddatli” bo‘lishini aytib o‘tdi.

15-oktyabr kuni Isroil noqulay ob-havo tufayli G‘azodagi quruqlikdagi operatsiyani keyinga qoldirgandi.