Yevropa Ittifoqi tashqi ishlar vazirlari Falastinga moliyaviy yordam ko‘rsatishni davom ettirishga kelishib oldi

Yevropa Ittifoqining 27 davlati tashqi ishlar vazirlari Falastinga moliyaviy yordam ko‘rsatishda davom etish kerakligi haqida kelishib oldi.

Bu haqda YI tashqi siyosat xizmati rahbari Josep Borrel Lyuksemburgda 27 hamjamiyat mamlakati tashqi ishlar vazirlari yig‘ilishi yakunlari bo‘yicha o‘tkazilgan matbuot anjumanida ma’lum qildi.

“Vazirlar biz Falastinga moliyaviy yordam va budjet to‘lovlarini davom ettirishimiz kerakligiga rozi bo‘lishdi”, — dedi Borrel.

Avvalroq pandemiyadan so‘ng tiklanish dasturlarini moliyalashtirish va Ukrainani qo‘llab-quvvatlash uchun  mablag‘larni faol jalb etishi tufayli Yevropa Ittifoqining qarzi uch yil ichida 900 milliard yevroga yetishi ma’lum qilingandi.